જીલ્લા કક્ષાના સ્વાતંત્ર્ય દિવસની ઉજવણી ભુજ લાલન કોલેજ ખાતે કરવામાં આવી

0
96



બિમલ માંકડ 78746 35092

વાત્સલ્ય ન્યુઝ બ્યુરોચીફ કચ્છ

રિપોર્ટ : મનીષ ઠક્કર

જીલ્લા કક્ષાના સ્વાતંત્ર્ય દિવસની ઉજવણી ભુજ લાલન કોલેજ ખાતે કરવામાં આવી

આઝાદી માટે દાયકાઓ સુધી લડ્યા પછી, 1947 માં આ દિવસે ભારતને બ્રિટિશ શાસનથી આઝાદી મળી. લાખો ભારતીયોના બલિદાનથી મળેલી આ આઝાદીનું મૂલ્ય યાદ રાખવા માટે 15 મી ઓગસ્ટે સ્વતંત્રતા દિવસ ઉજવવામાં આવે છે. આ અંતર્ગત કચ્છના જિલ્લા કક્ષાનો આઝાદી મહોત્સવ આજે ભુજની લાલન કોલેજમાં ઉજવાયો હતો. રાજ્યના શિક્ષણ મંત્રી ભૂપેન્દ્રસિંહ ચુડાસમા આ પ્રસંગે કચ્છના ખાસ મહેમાન બન્યા હતા અને આજે સવારે 9 કલાકે લાલન કોલેજ ખાતે રાષ્ટ્રધ્વજ ફરકાવ્યો હતો.

રાષ્ટ્રધ્વજ ફરકાવ્યા બાદ તેમણે પોલીસ કર્મચારીઓની પરેડનું પ્રદર્શન કરીને પોતાનું સંબોધન કર્યું હતું. સ્વતંત્રતા દિવસના શુભ પ્રસંગે આઝાદીનું મહત્વ સમજાવતા તેમણે કહ્યું કે આજની યુવા પેઢી પણ દેશ અને આઝાદી માટે માથું ધરી દેવા કદી પીછેહઠ કરશે નહીં. આજે પણ, લોકો ભારત દેશ પર નજર ઉઠાવનારા દેશદ્રોહીઓને યોગ્ય જવાબ આપવા માટે જુસ્સો ધરાવે છે.

 

આ શુભ પ્રસંગે કચ્છ-મોરબીના સાંસદ વિનોદભાઇ ચાવડા, ભુજના ધારાસભ્ય નીમાબેન આચાર્ય, ગાંધીધામના ધારાસભ્ય માલતી બેન મહેશ્વરી, માંડવી-મુન્દ્રાના ધારાસભ્ય વિરેન્દ્રસિંહ જાડેજા, અબડાસાના ધારાસભ્ય પ્રદ્યુમનસિંહ જાડેજા, કચ્છ જિલ્લા પંચાયતના વડા પારૂલબેન કારા અને ભુજ શહેરના પ્રથમ નાગરિક ઘનશ્યામભાઇ ઠક્કર અન્ય મંત્રીઓ સાથે સાક્ષી બન્યા હતા. જ્યારે કોરોના પ્રોટોકોલને કારણે માત્ર થોડા નાગરિકોને આ કાર્યક્રમમાં આમંત્રણ આપવામાં આવ્યું હતું.

LEAVE A REPLY

Please enter your comment!
Please enter your name here