Back

ડાંગના ૫ યુવાનો ઈન્ડિયન આર્મીમાં પસંદગી પામ્યા.

મદન વૈષ્ણવ વઘઇ ડાંગ

જિલ્લા રોજગાર કચેરી અને વહીવટી તંત્રના ઉત્કૃષ્ઠ પ્રયાસથી નિવાસી તાલીમ કેમ્પનું આયોજન કરી ટ્રાન્સ્પોર્ટેશન વ્યવસ્થા કરી યુવાનોને લશ્કરી ભરતી મેળા માટે તૈયાર કરાય છે.

ડાંગ.આહવા તાઃ ૧૯ઃ ડાંગ જિલ્લાના શિક્ષિત બેરોજગારો માટે જિલ્લા રોજગાર કચેરી,આહવા અને ડાંગ જિલ્લા વહીવટી તંત્ર હંમેશા કટીબધ્ધ છે. ચાલુ વર્ષ ૨૦૧૯-૨૦ દરમિયાન ભારતીય લશ્કરમાં જોડાવા માટે યુવાનોને સુચારૂ માર્ગદર્શન આપતી રોજગાર કચેરીના ભગિરથ પ્રયાસના ફલસ્વરૂપે ડાંગના ૫ યુવાનો ઈન્ડિયન આર્મી માટે પસંદગી પામ્યા છે.

ડાંગ કલેકટરશ્રી એન.કે.ડામોર હંમેશા ડાંગના યુવાધનને પગભર કેવી રીતે કરવા તે માટે સતત ચિંતા કરે છે. વધુને વધુ ડાંગના યુવાનો લશ્કરમાં જોડાય તે માટે લશ્કરી ભરતી મેળામાં જવા-આવવા માટે વાહનની સુવિધા પુરી પાડવાની વ્યવસ્થા કલેકટરશ્રી એન.કે.ડામોરે કરી હતી. અહીંના પછાત વિસ્તારના યુવાનો કદાચ પહેલી જ વાર બહારના જિલ્લામાં ગયા હશે. ધણીવાર જિલ્લા બહાર જવાની વ્યવસ્થા ન કરવાથી ખૂબ જ ઓછા યુવાનો લશ્કરી ભરતી મેળામાં ભાગ લેતા હતા. આમ સુચારૂ માર્ગદર્શન આપતા કલેકટરશ્રી ડામોરે સુંદર વ્યવસ્થા કરતા યુવાનોમાં આત્મવિસ્વાસ વધ્યો અને પરિણામે ૫ યુવાનો દેશની સેવા કરવા માટે સજ્જ બન્યા આ યુવાનોમાં ખુશીનો આનંદ સમાતો ન હતો.

જિલ્લા રોજગાર અધિકારી શ્રી વિનોદભાઈ ભોયેએ જણાવ્યું હતું કે કુલ-૬૦ ઉમેદવારોને નિવાસી તાલીમ માટે પસંદ કરવામાં આવ્યા હતા. જેમાં શારિરીક કસોટીમાં કુલ-૨૨ જેટલા ઉમેદવારો પાસ થયા હતા. તેમાંથી કુલ-૮ ઉમેદવારો પાસ થતા તેમને લેખિત પરીક્ષાની પણ ધનીષ્ઠ તાલીમ આપવામાં આવી હતી. જેમાં લેખિત પરીક્ષામાં કુલ-૫ ઉમેદવારો ઉત્તીર્ણ થયા છે. તેઓ ભારતીય લશ્કરમાં જોડાઇ વિવિધ જગ્યાએ તાલીમ માટે જશે.

દિવાન ટેમ્બ્રુન ગામના બાગુલ વૈભવભાઈ સતીષભાઈ,અહમદનગર,ગાઢવી ગામના પવાર વિકાસભાઈ સુરેશભાઈ,બિહાર, દગડપાડા ગામના મહાકાળ ઉમેશભાઈ જયરામભાઈ,બેંગલોર,ભીસ્યા ગામના ગાંગુર્ડે સચીનભાઈ જતાર્યાભાઈ,બિહાર તથા સિલોટમાળના લહરી આશીશભાઈ પરશ્યાભાઈ,હેદ્રાબાદ ખાતે આગામી ડિસેમ્બર માસથી તાલીમમાં જોડાઈ દેશની સેવામાં પોતાનું યોગદાન આપશે.

આ તમામ યુવાનોને જિલ્લા વહીવટી તંત્ર દ્વારા ખૂબ ખૂબ શુભકામનાઓ પાઠવવામાં આવી છે. રોજગાર કચેરીના કેરિયર કાઉન્સિલર શ્રી જયેશભાઈ થોરાટ અને કુમારી ભાવનાબેન ગામીતે ભારે જહેમત ઉઠાવી હતી.

આહવા તાલુકાનાં પળે પળના સમાચાર આપના મોબાઇલ પર મેળવવા નીચેના ગ્રૂપમાં એડ થવા વિનંતી..