Back

નર્મદા જિલ્લા ના રાજપીપળા ખાતે ખેલ મહાકુંભ-૨૦૧૯ અંતર્ગત જિલ્લાકક્ષાએ પ્રથમ વિજેતા ખેલાડીઓને મંત્રી વિભાવરીબેન દવેના હસ્તે કરાયેલું બહુમાન

નર્મદા જિલ્લા ના રાજપીપળા ખાતે ખેલ મહાકુંભ-૨૦૧૯ અંતર્ગત જિલ્લાકક્ષાએ પ્રથમ વિજેતા ખેલાડીઓને મંત્રી વિભાવરીબેન દવેના હસ્તે કરાયેલું બહુમાન

બોક્ષ : ખેલકૂદ ક્ષેત્રની સ્પર્ધાઓમાં સતત પ્રયત્નશીલ રહેનાર ખેલાડી ભવિષ્યમાં અચૂક સફળ થતો જ હોય છે ત્યારે પોતે સક્ષમ નહીં થાય તેવી ભીતિથી સ્પર્ધાથી દુર રહેતા ખેલાડીઓને શ્રેષ્ઠ દેખાવ માટે પ્રયત્નશીલ રહેવાની હિમાયત કરતા રાજયમંત્રી વિભાવરીબેન દવે



બોક્ષ: નર્મદા જિલ્લામાં અંદાજે ૬૪ હજાર જેટલાં ખેલાડીઓએ વિવિધ ૨૨ જેટલી સ્પર્ધાઓમાં લીધેલો ભાગ: ૨૨૧૬ વિજેતા ખેલાડીઓને પુરસ્કારથી કરાયા પ્રોત્સાહિત: આજદિન સુધી રૂા. ૨૯.૨૯ લાખની રકમના પુરસ્કારની ચૂકવણી સાથેની બાકી કામગીરી પ્રગતિ હેઠળ


રાજપીપલા : જુનેદ ખત્રી

ગુજરાતના રાજયકક્ષાના મંત્રી વિભાવરીબેન દવે દ્વારા રાજપીપલામાં ધાબા ગ્રાઉન્ડ-સ્પોર્ટસ કોમ્પ્લેક્ષ ખાતે રાજયના રમત-ગમત યુવા અને સાંસ્કૃતિક પ્રવૃત્તિઓ વિભાગ અને સ્પોર્ટસ ઓથોરીટી ઓફ ગુજરાત આયોજીત ખેલ મહાકુંભ-૨૦૧૯ માં વિજેતા નિવડેલ નર્મદા જિલ્લાના ખેલાડીઓ-વિજેતા ટૂકડીઓને પ્રશસ્તિપત્ર એનાયત કરી ખેલાડીઓનું બહુમાન કરાયું હતું


ગુજરાતના મહિલા અને બાળ કલ્યાણ, શિક્ષણ અને યાત્રાધામ વિભાગના મંત્રી વિભાવરીબેન દવેએ ખેલ મહાકુંભ-૨૦૧૯ ની વિવિધ સ્પર્ધાઓમાં ભાગ લેનાર અને જિલ્લાકક્ષાએ વિજેતા નિવડેલ ખેલાડીઓને અભિનંદન પાઠવતા જણાવ્યું હતું કે, કોઇપણ સ્પર્ધામાં સ્પર્ધક તરીકે ભાગ લેવાની હિંમત કેળવવી એ સૌથી મોટી અને અગત્યની બાબત છે, ત્યારે પોતે જે તે સ્પર્ધામાં સક્ષમ નહીં થાય તેવી ભીતિથી ખેલાડીઓને દુર રહેવાનો અનુરોધ કરતાં ઉમેર્યુ હતું કે, આવી સ્પર્ધાઓમાં સતત પ્રયાસ કરનાર ખેલાડી આજે નહીં તો કાલે અવશ્ય સફળ થતો જ હોય છે. એટલે વિજેતા સિવાયના તમામ સ્પર્ધકોને પણ સ્પર્ધામાં ભાગ લેવા બદલ અભિનંદન આપી હવે પછી પણ ભવિષ્યમાં સતત જે તે સ્પર્ધામાં ભાગ લઇને શ્રેષ્ઠ દેખાવ માટે સતત પ્રયત્નશીલ રહેવાની હિમાયત સાથે વિદ્યાર્થીઓને મંત્રી દવેએ ખેલાડીઓને પ્રોત્સાહિત કર્યા હતા.


અત્રેએ ઉલ્લેખનીય છે કે, જિલ્લામાં ૨૨ જેટલી રમતોમાં પ્રથમ, દ્વિતીય અને તૃતીય સ્થાને વિજેતા ૨૨૧૬ જેટલાં ખેલાડીઓને પુરસ્કારની ચૂકવણી અન્વયે આજદિન સુધી અંદાજે રૂપિયા ૨૯.૨૯ લાખની રકમના પુરસ્કારની ચૂકવણી દ્વારા વિજેતા ખેલાડીઓને પ્રોત્સાહિત કરવાની સાથોસાથ બાકી ખેલાડીઓની પુરસ્કાર ચૂકવણીની કામગીરી પ્રગતિ હેઠળ છે.

મંત્રી વિભાવરીબેન દવેએ વધુમાં જણાવ્યું હતું કે, ખેલ મહાકુંભ-૨૦૧૯ અંતર્ગત સમગ્ર ગુજરાતમાં અંદાજે ૪૭ લાખ જેટલાં દિકરા-દિકરીઓએ ભાગ લીધો હતો. જેમાં નર્મદા જિલ્લામાં પણ વિવિધ સ્પર્ધીઓ માટે રજીસ્ટ્રેશન કરાવનાર અંદાજે ૭૨ હજારથી પણ વધુ ખેલાડીઓ પૈકી અંદાજે ૬૪ હજાર જેટલાં સ્પર્ધકોએ ભાગ લઇને ખેલકુદ ક્ષેત્રે તેમની રૂચિની પ્રતિતી કરાવી હતી. શક્તિદુત યોજના હેઠળ ગુજરાતનું રાષ્ટ્રીય અને આંતરરાષ્ટ્રિય કક્ષાએ નામ રોશન કરનાર ડાંગ જિલ્લાની દિકરી સરીતા ગાયકવાડ અને અંકિતા રૈના જેવી દિકરીઓએ એશિયન ગેમ્સમાં હાંસલ કરેલી ઝળહળતી સિધ્ધિઓનો ઉલ્લેખ કરી મંત્રી વિભાવરીબેન દવેએ ઉમેર્યુ હતું કે, રાષ્ટ્રીય-આંતરાષ્ટ્રીય કક્ષાએ પોતાનામાં રહેલી તાકાત-કૌવત દ્વારા દેશનું નામ રોશન કરી શકે તેવા ઉત્સાહી ખેલાડીઓને રાજય સરકારે શકિતદૂત યોજના હેઠળ તેમની પસંદગી કરીને તે અંગેની ઘનિષ્ટ તાલીમનો સંપૂર્ણ ખર્ચ રાજય સરકાર દ્વારા કરવામાં આવે છે. રૂા. ૨.૫ લાખથી રૂા. ૨૫ લાખ સુધીની રકમ વ્યકિતગત સહાયરૂપે ચૂકવવામાં આવે છે તેનો ઉલ્લેખ કરી મંત્રીએ ઉમેર્યુ હતું કે, ૬ શકિતદૂતોએ આંતરરાષ્ટ્રીય કક્ષાએ ગુજરાત અને દેશનું નામ રોશન કર્યુ છે. ગુજરાતના તમામ જિલ્લાઓમાં સ્પોર્ટસ સંકુલની સુવિધાઓ વિકસાવવામાં આવી છે, ત્યારે ખેલમહાકુંભમાં મહત્તમ સંખ્યામાં દિકરા-દિકરીઓ ભાગ લઇ ગુજરાત અને દેશનું નામ હજી પણ વધુ રોશન કરે તેવો આશાવાદ તેમણે વ્યકત કર્યો હતો.


નાંદોદ શહેર અને તાલુકાના પળે પળના સમાચાર આપના મોબાઇલ પર મેળવવા નીચેના ગ્રૂપમાં એડ થવા વિનંતી..