Back

રાજુલા તાલુકાના શિક્ષક નીરવભાઈ જાની રાજયકક્ષાએ પસંદગી પામ્યા.

રાજુલા તાલુકાના શિક્ષક નીરવભાઈ જાની રાજયકક્ષાએ પસંદગી પામ્યા.


ગત સપ્તાહમાં GCERT ગાંધીનગર પ્રેરિત તથા જિલ્લા શિક્ષણ અને તાલીમ ભવન અમરેલી દ્વારા આયોજિત Educational Innovation Festival 2020 માં રાજુલા તાલુકાની કુમારશાળા 1 માં ભાષા શિક્ષક તરીકે ફરજ બજાવતા SRG શિક્ષક શ્રી નીરવભાઈ જાનીના નવતર પ્રયોગની રાજ્ય કક્ષાએ પસંદગી થઈ છે. 

આ તકે શ્રી નીરવભાઈ જાનીએ ધોરણ 6 થી 10 ના વિદ્યાર્થીઓને સંસ્કૃત વિષય શીખવા માટે અત્યંત ઉપયોગી એવી Sanskritwala નામની એન્ડ્રોઇડ એપ્લિકેશનનું નિર્માણ કર્યું છે. આ એપ્લિકેશન તદ્દન નિઃશુલ્ક રૂપે ગૂગલ પ્લે સ્ટોર પર ઉપલબ્ધ છે. જેમાં ધોરણ 6 થી 10 ના સંસ્કૃત વિષયના પાઠ્યપુસ્તકો, વિડીયો લેક્ચર, એકમ કસોટીઓ અને વિવિધ પ્રકારના આદર્શ પ્રશ્નપત્રો પણ નિરવભાઈ એ જાતે જ બનાવીને મુકેલા છે. 

સંસ્કૃત વિષય શીખવા માટે આ પ્રકારની એન્ડ્રોઇડ એપ્લિકેશન ગુજરાતમાં સૌપ્રથમ વાર બની છે ત્યારે રાજુલા તાલુકા માટે અને સમગ્ર અમરેલી જિલ્લા માટે આ એક ગૌરવની વાત છે. 

આ તકે જણાવવાનું કે શ્રી નીરવભાઈ જાની શિક્ષણમાં અવારનવાર નવતર પ્રયોગો કરતા રહે છે અને આ વર્ષે સતત બીજી વાર તેઓ રાજ્ય કક્ષાએ પોતાના નવતર પ્રયોગ માટે પસંદગી પામ્યા છે.

યોગેશ કાનાબાર

રાજુલા

રાજુલા તાલુકાનાં પળે પળના સમાચાર આપના મોબાઇલ પર મેળવવા નીચેના ગ્રૂપમાં એડ થવા વિનંતી..