Back

કેવડિયા ખાતે ચાલી રહેલ ડિફેન્સ કોન્ફરન્સ ને લઈ તંત્ર એલર્ટ : ગરૂડેશ્વર તાલુકાના સમગ્ર વિસ્તારને “No Drone Zone” તરીકે જાહેર કરાયો

કેવડિયા ખાતે ચાલી રહેલ ડિફેન્સ કોન્ફરન્સ ને લઈ તંત્ર એલર્ટ : ગરૂડેશ્વર તાલુકાના સમગ્ર વિસ્તારને “No Drone Zone” તરીકે જાહેર કરાયો


રાજપીપલા : જુનેદ ખત્રી

નર્મદા જિલ્લાના કેવડિયા ખાતે રાષ્ટ્રીય ડિફેન્સ કોન્ફરન્સ આજથી શરૂ થઈ છે ત્યારે રક્ષા મંત્રી રાજનાથસિંહ, સુરક્ષા સલાહકાર અજિત ડોભાલ, તેમજ સુરક્ષા દળોના ત્રણેય પાંખના વડા ની ઉપસ્થિત માં આ કોન્ફરન્સ યોજાઇ રહી છે ત્યારે નર્મદા જિલ્લા તંત્રએ પણ સુરક્ષા બંદોબસ્ત ગોઠવી દીધો છે વધુ ચુસ્ત સુરક્ષા ને ધ્યાને રાખી ગરૂડેશ્વર તાલુકાના સમગ્ર વિસ્તારને “No Drone Zone” તરીકે જાહેર કરાયો છે

નર્મદા જિલ્લાના અધિક જિલ્લા મેજીસ્ટ્રેટ એચ.કે.વ્યાસે ફોજદારી કાર્યરીતિ અધિનિયમ, ૧૯૭૩(૧૯૭૪ નો બીજો અધિનિયમ) ની કલમ-૧૪૪ અન્વયે તેમને મળેલ સત્તાની રૂએ એક જાહેરનામા દ્વારા ગરૂડેશ્વર તાલુકાના સમગ્ર વિસ્તારને તા.૦૪/૦૩/૨૦૨૧ ના બપોરના ૧૨.૦૦ કલાકથી તા.૦૭/૦૩/૨૦૨૧ ના ૨૪.૦૦ કલાક દરમ્યાન “No Drone Zone” તરીકે જાહેર કરાયેલ છે. સદરહુ વિસ્તારમાં રીમોટ કંટ્રોલથી ચલાવવામાં આવતાં ડ્રોન (DRONE), ચલાવવાની/ઓપરેટ કરવાની મનાઇ ફરમાવી છે. આ જાહેરનામાની અમલવારી તા.૦૪/૦૩/૨૦૨૧ ના બપોરના ૧૨.૦૦ કલાકથી તા.૦૭/૦૩/૨૦૨૧ના ૨૪.૦૦ કલાક સુધી કરવાની રહેશે તેમ જણાવાયું છે

અપવાદરૂપ કિસ્સામાં પોલીસ વિભાગ, સુરક્ષાબળો અને પોલીસ વિભાગ તરફથી મળેલ પરવાનગીના સંશાધનોને આ જાહેરનામામાંથી મુક્તિ આપવામાં આવી છે. આ જાહેરનામાનો ભંગ કરનાર વ્યક્તિ ભારતીય દંડ સંહિતાની કલમ – ૧૮૮ ની જોગવાઈઓ મુજબ શિક્ષાને પાત્ર થશે તેમ પણ જણાવાયું છે

નાંદોદ શહેર અને તાલુકાના પળે પળના સમાચાર આપના મોબાઇલ પર મેળવવા નીચેના ગ્રૂપમાં એડ થવા વિનંતી..